【冗員？Backup！】40%螞蟻只是「扮工」的冗員？

相信大家都聽過一個講法，就係有40%嘅螞蟻都只係「扮工」，睇落好忙，其實係冇嘢做。但就有研究指，呢啲「冗員」其實並唔係冇嘢做，佢哋只係作為後備嘅勞動力，如果工作量突然增加，或者需要補充勞動力嘅時候，佢哋就會挺身而出，維持整個族群嘅工作表現。其實各位打工仔都明白，每個崗位都需要Backup，如果唔係有同事病咗，或者有人辭職，咁就GG了

綜合唔同研究，發現唔只螞蟻，其實群居嘅昆蟲，包括蜜蜂、黃蜂同白蜂等等，都有超過一半嘅成員，係唔活躍嘅「冗員」。但亦有學者估計，呢啲「冗員」可能唔係真係冇嘢做，只係從事一啲較唔明顯嘅工作，例如：巡邏、整理或建築等等。佢哋都可能係好忙！只係唔係忙畀人睇

話雖如此，但係論文都提到，呢啲較為唔活躍嘅螞蟻，可能都係啲未成熟，或者太老邁嘅成員，所以先會成為後備嘅勞動力，就好似軍隊嘅後備役咁。各位打工仔都需要努力保持自己嘅戰鬥力，咁先唔使成日坐喺後備席

參考論文：https://journals.plos.org/plosone/article?id=10.1371/journal.pone.0184074