【催淚彈KOL(下)】K Kwong行山唔認叻　愛惜自然救地球

【催淚彈KOL(上)】K KWONG：「叫我行山L會開心啲」

聽完「行山L」鄺士山（K Kwong）的分享，相信不少人都心癢癢，想行山遠離煩囂。很多人好奇跟他行山有甚麼要求，答案出乎意料地「老土」：「尊重山，唔好為山帶來麻煩。」語氣頓時由輕鬆變得嚴肅，證明他絕對玩得有原則。

• 裝備唔使貴　謙虛重安全

想入K Kwong的行山影相團，唔使填Form，只需提供行山鞋照片給他，以便衡量對方程度。團友不用穿貴鞋，買貴衫，他認為實而不華已足夠，「對鞋幾百蚊，啲衫幾十蚊。」行山衫褲易磨蝕，破爛可再買，但他是惜物之人，不論衣服或鞋，都會不厭其煩修補，只因愛護地球，不想製造垃圾。奈何曾有穿着光鮮的山友，看到他一隻行山鞋修補過，覺得佢「爛身爛勢」，質疑他的程度，「我唔叻係事實，我唔介意。」他認為，即使裝備精良，亦需技術配合。

他行山、攝影、化學樣樣精，惟對大自然十分謙卑。他認為：「最普通嘅地方，就係最靚嘅。」即使你去到難去的地方都沒有什麼值得驕傲，因為只有你去到實在沒有意思，要人人欣賞到才有意義。此外，他亦對帶隊行山十分執着，團友不能食煙飲酒，更要虛心，「鍾意認叻好大鑊。」有些人為炫耀，訛稱險境安全，他越說越肉緊，「亂指點人會害死人㗎，尤其是落山失足好易出事。」因此他不會上載險境照片至社交媒體平台，以免鼓勵大家前往，減少意外發生。

行山與團友齊上齊落，一個都不能少是常識吧。K Kwong畢竟是補習天王，在路上苦口婆心，提點大家勿中伏，不聽老人言，吃虧在眼前。當團友不聽話，差點搞出人命，他激動到爆粗，「試過有次勸一位山友唔好再落斜，點知佢失足滑下去，幾個人捉佢上嚟，大姐呀，唔係玩呀！」團友不斷道歉，但他已沒心情，取消餘下行程。又有一次在西貢帶團，他提醒團友步往山咀時別靠海太近，有位團友不聽勸，差半秒就被湧浪捲走，令他心急如焚，幸好最後化險為夷。

• 政見可不同　黑白要分清

他的Facebook專頁表明「不論黃藍，科學救港」，但聽着他電話響起激昂的《願榮光歸香港》鈴聲，劃破山野寧靜，已不用解釋太多吧。他表示，自反修例運動後，有一大班紀律部隊離開行山隊，「剩返一兩個海關，有啲跟我影相，我而家無Mood教藍絲。」政見不同不要緊，但他最不能忍受的，就是有人顛倒是非黑白，「如果話我係暴徒，話我收錢，我一定會炳你，你侮辱我人格，唔該自動離開。」

• 被迫讀化學　心繫大自然

K Kwong看來瓣瓣掂，但承認大學被迫讀化學，「本來想讀環境保育相關的科目，物理成績不夠好，唯有揀化學。」繼而成為補習天王，財源滾滾來，但他不忘樸實本性。他讀書年代看過美國海洋生物學家Rachel Carson撰寫的《Silent Spring》，講述人類濫用合成殺蟲劑，春天將因喪失鳥鳴變得寂靜，培養他愛護環境的意識，他亦盡量乘搭公共交通工具，少開冷氣，節省能源，「大家不應忽視自己微小的力量，小小善行都可能影響他人。」

近年政府強調香港缺乏土地，研究在郊野公園邊陲建屋的可能，K Kwong認為行山幫助市民認識大自然，「行開山，去過新界東北郊遊就知香港無地係騙局啦，勁多棕地擺晒貨櫃。」他愛拍攝雀鳥，看見南生圍這個雀鳥勝地，被發展商虎視眈眈感到可惜。近月街上雀鳥遺體甚多，雖然未有證據顯示牠們的死跟催淚彈有關，但他也感到非常痛心。

• 半月板撕裂　忍痛照行山

K Kwong拿着行山杖，看來步履輕快，實際有苦自己知，皆因背後有段古。2014年一次行山，落斜時右腳不慎弄傷，「當時聽到啪一聲，滑倒呈一字馬，我以為只係整爛條褲，落到三椏村發現腳開始腫，便用繃帶紮好患處，但後來漸漸控制不了右腳。」結果報警求助，他看似笑笑口，當水警剪開壓力襪，患處立刻發脹，痛到標冷汗。去到醫院，昔日的學生已成為醫生，還為他診治。醫生發現他傷勢嚴重，半月板撕裂，需動手術取出碎骨，他硬頸堅持說不。他兩星期後再上山，結果又要見醫生，醫生出盡氣力游說「阿Sir，你本來行唔到㗎啦，做咗手術，都係最多包你行到50次山。」做完手術，他沒有放棄行山，但復健之路漫長，經歷他人生最萬念俱灰之時，「痛到連一公里都行唔到，一路行一路喊。」隔了一段時間見物理治療師，他希望重踏長約30公里的「環湖出咀摸鬼手」旅程，這個難度系數爆燈的願望，物理治療師當然覺得他「大想頭」，卻無阻他的決心，循序漸進，由短距離路程重新上路，連醫生都驚訝，理應失去行山能力的他，竟可應付自如，一年多後如願以償，他不禁變得雀躍，「信心返晒黎，而家只係屈唔到隻腳，唔跳得。」

世事難料，K Kwong發夢都沒想過自己會搖身一變，成為「催淚彈KOL」，敢言拆解催淚彈成分，分析二噁英的禍害，密密Update Facebook。他的專頁另一搶眼之處，便是他的「契女」照片，令人急不及待按讚，有的契女是他的學生，部份更是見證她由小童長大至亭亭玉立，但更意想不到是，他上載這些照片，原來想吸引網友政見「藍轉黃」的策略，認真估佢唔到。可否令人藍轉黃就不得而知，就正如將來的香港變成怎樣都無人知曉。兄弟爬山，各自努力，各人所長不同，位置亦不一樣，相信K Kwong都沒有料到當年被迫學的化學，今天會用來救港。

記者：梁慧琳

攝影：梁遠逸

立即訂閱，享受每期精彩內容，和我們一起翻山越嶺。