山都有三急

在網上「行山人有三急」 嘅討論,由2004年(香港行山網:hiking.com.hk) 到 2014年(香港討論區:discuss.com.hk)都有好多,其中真係有好多唔同角度又有唔同態度,而有一句不得不認同:「一個問題可以講足三年,都算無得頂了,其實行山遇到人有三急是正常的事,因全日在山嶺間,始終有此需要,長期行山的人士,都識做的了,只要不妨礙他人,注重公眾衛生,不污染水源,就當作施肥,當然,如果忍得的,最好忍到有公厠才去方便,就功德無量了。」

上星期日(1月8日)的「還原大東聯合山野清潔活動」,執到大量不負責任的人們留下嘅垃圾(仲有根本唔係垃圾嘅帳篷),令人心痛、無奈、憤怒、百感交集,令大家思考早前瘋傳大帽山垃圾片段中女仔所講:「點解可以接受自己道德底線去到咁低?」山友都慨嘆,爛頭營的隱蔽或後方位置,全部被迫變成厠所。行唔行開山嘅人,都應該知道山上並唔會設立厠所,咁又返到去呢個問題——行山時人有三急點算好?

DSC05400(D).jpg
大東山石屋後面往往是「廁所位」,山友留下大量紙巾。

我和朋友都習慣帶定膠袋和夾,邊行邊執垃圾,沿路有不少紙巾、膠袋、包裝,休息位置更有大量紙巾或濕紙巾,最恐怖就係入到比較隱蔽的位置,會見到一片白色「紙巾海」,亦曾執到黏附大便的紙巾、用過的衛生巾……大小二便係人類基本的生理需求,山友間都經常討論,應該如何做到方便自己,又盡量無痕,解決方法唔通係用無痕山林理論開「貓洞」?當然我唔敢話呢個方法100%啱,試想像喺爛頭營旁邊開「貓洞」——以近年嘅人流我真係唔敢想像,好多山友都話:「山頭小便梗係就地㗎啦!」我會建議出發前可帶定多個膠袋或紙袋以備不時之需,途中無論任何大小形式製造出來嘅垃圾,都掉入袋內帶走,仲可以順便沿途執埋垃圾,然後麻煩紮好呢幾袋嘢,帶返出市區先好丟棄或分類。去行山,自己垃圾自己帶走當然要做,仲可以做多步:以不製造多餘垃圾為大前題。

山急於想大家多思考如何好好保護她
山急於令大家寧靜和動物雀鳥好好相處
山急於想大家出發前喺日常生活多思考準備

「走在山上,最震憾的從來不是甚麼芒草、甚麼秘景。更觸動人的,其實是山間遇上的人和事。一個山,將本來毫不相干的你和我,連在一起。只希望,每一個人也懂得愛護這個山野。多麼卑微的願望。」 風火山林月刊×山城縱走——還原大東聯合山野清潔活動

撰文:陳Wing@搞乜東東

DSC05380(D).jpg
「還原大東」活動清理了51公斤垃圾,包括大量紙巾、膠樽。

有關「貓洞」的延伸閱讀:
【戶外百科】有關健行衛生的基本原則
http://tw.hiking.biji.co/index.php?q=news&act=info&id=612&title=

立即訂閱,享受每期精彩內容,和我們一起翻山越嶺。

facebook      IG

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: